MARWO LUUL ISAAQ AADAN OO DEEQ GAARSIISAY WIIL JADEECO INDHAHA TIRTAY

0
461

Maxamed Aadan waa 13 jir ay idha tirtay jadeeco ku dhacday isagoo  afarsano jir ah. Waxaa uu ku noolyahay xero barakac oo ku taasha duleedka Magaalada Baydhabo. Hooyadiis waxaa ay noo sheegatay in uu Aadan dhiganin Dugsi iyo iskuul, balse mar la geeyay oo uu uga haray lacag la’aan.

Marwo luul Isaaq waa hooyo u damqatay inankan kadib markii ay ku aragtay Baraha Bulshada oo muuqiisa lagu baahiyay oo ay hooyadiisa codsi u diraysay Bulshada in ay ku saacidaan dhisidda mustaqbalka wiilkeeda 13 jirka jadeecadu indhaha ka riday, waxaa ay ugu deeqday Marwo Luul Isaaq wiilkan dhar, lacag hal milyan ah isla markaan ay u balan qaaday Maxamed in ay ka bixin doonto dhaqaalaha bil walba eek u bixaysa waxbarashada wiilkan yare e camoolaha ah ee u baahan gargaarka dhisidda aayahaiisa.

Waa tan marwo Luul Isaaq oo la joogto Maxamed iyo hooyadiis Xaawo kalan sheekaysanaysa xaaladooda iyagoo oo ku sugan aqalka ay ka deganyihiin Maxamed iyo hooyadiis kaamka rajo ee Magaalada Baydhabo.

Kani waa Maxamed oo aqrinaya Suuradda Faataxada taasoo uu bartay intii aysan hooyadiis ka saarin Dudsiga Quraanka dhaqaalo la’aan daraadeed.

Marwo Luul Isaaq waxaa ay noqotay Hooyadii ugu horaysay ee isu xilqaantay in ay ka jawaabto codsigii Xaawo oo ahaa in bulshada ay ku garab istaagto la qaybsiga dhibaatada Maxamed  Aadan haysata waxayna tusaale ku dayasho leh u tahay dhammaan hooyooyinka Soomaaliyeed ee damqashada waalidnimo eek u qaaday marwo Luul in ay si iskeed ah wax u tarto Maxamed una balan qaado bixinta qarashka waxbarashada bil kasta si ay hormuud ugu noqoto badbaadinta Mustaqbalka Maxamed.

W/Q: Mukhtaar Dalmar

Leave a Reply