Shirka M/Goboleedyada oo maanta ka furmay Baydhabo.

0
258

Magaalada Baydhabo ee caasimadda KMG ah maamulka Koonfur Galbeed ayaa waxaa goor dhow ka furmay  shirka madaxda maamul goboleedyada, kaasi oo looga hadlayo dhawr ajande.

Shirkan ayaa waxaa ka qeyb galay Madaxweynaha Puntland C/wali Maxamed Cali Gaas, Madaxweynaha Jubbaland Axmed Maxamed Islaam (Axmed Madoobe), Madaxeynaha Galmudug Axmed Ducaalle Geelle (Xaaf), Madaxweynaha Hirshabeelle Maxamed Cabdi Waare iyo Madaxweyne Shariif Xasan oo marti loo yahay.

Shirkaan ayaa sidoo kale waxaa qeyb ka ah Wasiiro iyo Xildhibaano ka socda maamul goboleedyadda.

Dadka falanqeeya siyaasadda ayaa waxa ay sheegayaan in dowladda Soomaaliya ay walaac ka muujineyso waxa ka soo bixi kara shirkan, maadaama maalmahan uu jiray mad madow u dhaxeeyay madaxda dowladda iyo qaar ka tirsan madaxda maamul goboleedyada.

Leave a Reply